ՀՀ Շուկայի վերահսկողության տեսչական մարմնի կողմից իրականացված վերահսկողական միջոցառումների շրջանակում Տավուշի մարզի Դիլիջան քաղաքի Թբիլիսյան խճուղի 3 հասցեում գործող բենզինի և դիզելային վառելիքի, ինչպես նաև հեղուկացված ածխաջրածնային գազի վաճառքով զբաղվող «ՄԱՐԻՆԵ ԴԱՎԹՅԱՆ ԷԴԻԼԻ» Ա/Ձ-ին պատկանող լցակայանում անցկացվել են ստուգումներ։

 

Ստուգումների արդյունքում պարզվել է, որ Ընկերությունը զբաղվում է հեղուկացված ածխաջրածնային գազի, բենզինի և դիզելային վառելիքի վաճառքով՝ չափագիտական կանոնների և նորմերի խախտմամբ, ինչի արդյունքում կասեցվել է «ՄԱՐԻՆԵ ԴԱՎԹՅԱՆ ԷԴԻԼԻ» Ա/Ձ-ին պատկանող լցակայանի վառելիքաբաշխիչ աշտարակների գործունեությունը։

 

Ընկերության տնօրենին հանձնարարվել է ձեռնարկել անհրաժեշտ միջոցներ և սահմանված ժամկետում վերացնել խախտումը։

 

Հայտնաբերված խախտումների հիմքով տնտեսվարող սուբյեկտը Օրենքով սահմանված կարգով կենթարկվի վարչական պատասխանատվության։